ભચાઉ ખાતે આવેલ વોંધ નજીક બાઇક અને ટેન્કર વચ્ચે સર્જાયેલ ગોઝારા અકસ્માતમાં બાઇક ચાલકનું મોત
copy image
ભચાઉ ખાતે આવેલ વોંધ નજીક બાઇક અને ટેન્કર વચ્ચે એક ગોઝારો અકસ્માત સર્જાયો હતો જેમાં, બાઇક ચાલકનું મોત નીપજયું હતું. આ બનાવ અંગે પ્રાપ્ત થતી વિગતો મુજબ ગત તા. 13/2ના ભચાઉ તાલુકાનાં વોંધ ગામમાં ગૌશાળા નજીક રહેનાર મંગળ કોળી નામનો યુવાન પોતાની બાઈક લઈને અંજાર બાજુ જઈ રહ્યો હતો. તે દરમ્યાન આ યુવાન વોંધ નજીક ગુરૂકૃપા હોટેલ સામેના રોડ પર પહોંચ્યો ત્યારે પુરપાટ આવતા આવતા ટેન્કરએ આ બાઈકને હડફેટમાં લેતા ચાલકને ગંભીર પ્રકારની ઈજાઓ પહોંચી હતી. ગંભીર ઇજાઓના પગલે આ યુવાનને સારવાર અર્થે હોસ્પિટલ લઈ જવામાં આવેલ હતો જ્યાં સારવાર મળે તે પૂર્વે જ આ યુવાનનું મોત નીપજયું હતું. પોલીસે આ બનાવ અંગે ટેન્કરના ચાલક વિરુદ્ધ ફરિયાદ દાખલ કરી આગળની વધુ તપાસ હાથ ધરી છે.
