ધ્રબમાં પાર્ક કરાયેલું ટ્રેઈલર ચોરાયું

ધ્રબમાં રંગોલી  આઉટ ગેટ પાસે પાર્ક કરાયેલા ટ્રેઈલરને અજાણ્યો ઈસમ હંકારીને ચોરી ગયાની ફરિયાદ નોંધાઈ હતી. આ અંગે એક્ટિવ કાર્ગો મૂવર્સના કર્મચારી જયેશ કાંતિલાલ શાહે મુંદરા પોલીસ મથકે નોંધાવેલ ફરિયાદ મુજબ તેમની ટ્રાન્સપોર્ટ કંપનીનું આશરે કિં. રૂા. 14 લાખવાળું તા. 20/7ના રંગોલી આઉટ ગેટ પાસે પાર્ક કર્યું હતું અને તા. 22-7ના લેવા જતાં મળ્યું ન હતું. સીસીટીવી કેમેરા તપાસતાં તા.21-7ના રાત્રે 7:45 વાગ્યાના અરસામાં કોઈ અજાણ્યો ચોર ઈસમ હંકારીને લઈ જતો દેખાયો હતો. પોલીસે ફરિયાદ નોંધી આગળની તપાસ હાથ ધરી હતી.