ભુજમાં બાઇક ચોરનારને પકડી ચોરીનો ભેદ ઉકેલાયો
copy image
થોડા દિવસો પૂર્વે ભુજના હોસ્પિટલ રોડ મધ્યે ડો. મુકેશ ચંદેની હોસ્પિટલ પાસેથી બાઇકની ઉઠાંતરી કરનારા ઈસમને ચોરાઉ બાઇક સાથે બી-ડિવિઝન પોલીસે ઝડપી આ બાઇક ચોરીનો ભેદ ઉકેલ્યો હતો. બી-ડિવિઝનના હે.કો. મયૂરસિંહ જાડેજા તથા પૃથ્વીરાજસિંહ જાડેજાને મળેલી સંયુક્ત બાતમીના આધારે આર.ટી.ઓ. સર્કલથી ભુજિયા રિંગ રોડ તરફ વોચ ગોઠવી આરોપી સમીર ઇસ્માઇલ થેબા (રહે. ચાંદ ચોક-ભુજ)ને ઝડપી પૂછતાછ કરતાં તેણે સ્પ્લેન્ડર બાઇક ચોર્યાની કબૂલાત કરી હતી. પોલીસે મુદ્દામાલ રિકવર કરી બાઇક ચોરીનો ભેદ ઉકેલ્યો હતો.
