કેરામાં પાણી પુરવઠાના 1.45 લાખના મુદ્દામાલની ઉઠાંતરી

ભુજ તાલુકાની કેરા પંચાયતના બોરની પાસે પાણી પુરવઠાના રાખેલા વાયર, મોટર અને વોટર પંપ એમ કુલ રૂા. 1,45,000ના મુદ્દામાલની રાત વચ્ચે તસ્કરી થઇ હતી. આ ચોરી અંગે વોટર સપ્લાયમાં નોકરી કરતા અને કેરા રહેતા નાનજીભાઇ માવજીભાઇ ભુડિયાએ માનકૂવા પોલીસ મથકે નોંધાવેલ ફરિયાદ મુજબ રાતથી સવાર સુધી કેરા પંચાયતના બોર પાસે ખુલ્લામાં રાખેલા પાણી પુરવઠા વિભાગનો કાળા રંગનો 10 એમ.એમ.નો કોપર વાયર, 2500 ફૂટ કોપર વાયરનો જથ્થો જેની કિં. રૂા. 90 હજાર તથા 40 હોર્સપાવરની જૂની મોટર કિં. રૂા. 30 હજાર, એક વોટર પંપ કિં. રૂા. 20 હજાર અને પાંચ હજારનો અન્ય ભંગાર એમ કુલ રૂા. 1,45,000ના મુદ્દામાલ કોઇ અજાણ્યો ચોર ઇસમ ચોરી કરી લઇ ગયો હતો. પોલીસે ફરિયાદ નોંધી તપાસ હાથ ધરી હતી.