માંડવીમાં જાહેરમાં વેચાણ અર્થે રાખેલ શરાબનો જથ્થો ઝડપાયો : આરોપી ફરાર

માંડવી પોલીસ ડ્યૂટિ પર હતી તે દરમ્યાન તેમને ખાનગી રાહે બાતમી મળેલ હતી કે, માંડવીના સુભાષ માર્ગ રોડ પર આવેલા હનુમાન મંદિર નજીકની ગલીમાં રહેતો જગદીશ વલ્લભભાઇ ભાનુશાલી નામનો શખ્સ મકાનની બહાર બાકડાની બાજુમાં ગેરકાયદેસર રીતે શરાબનું વેચાણ કરી રહ્યો છે. મળેલ બાતમીના આધારે પોલીસે કાર્યવાહી હાથ ધરી અને બાતમી વાળા સ્થળ પર દરોડો પાડી અલગ અલગ બ્રાન્ડની 17 બોટલ જેની કિ. રૂા. 10,914નો શરાબ હસ્તગત કર્યો હતો. હાથ ધરવામાં આવેલ કાર્યવાહી દરમ્યાન આરોપી શખ્સ હાજર મળ્યો ન હતો. પોલીસે તમામ મુદ્દામાલ કબ્જે કરી આરોપી શખ્સ વિરુદ્ધ ગુનો નોંધી તેને ઝડપી પાડવા આગળની વધુ કાયદેસરની કાર્યવાહી હાથ ધરી છે.