ભરૂચની અંબિકાનગર સોસાયટીમાં મકાન માલિક જાગી જતાં તસ્કરો દિવાલ કૂદીને ભાગવામાં સફળ રહ્યા:ચોરીનો નિષ્ફળ પ્રયાસ

ભરૂચની અંબિકાનગરમાં સોસાયટીમાં ગતરોજ તસ્કરો ત્રાટક્યા હતા. સદનસીબે મકાન માલિક જાગી જતાં તસ્કરો મકાનની દીવાલ કૂદીને ભાગવામાં સફળ રહ્યા હતા. જોકે, એક તસ્કર ત્યાં રહેલા સીસીટીવી કેમેરામાં કેદ થઈ ગયો હતો.
ગતરોજ ભરૂચ શહેરના પાંજરાપોળ નજીક આવેલી અંબિકાનગર સોસાયટીમાં મંદિર નજીક આવેલા એક મકાનમાં રાત્રીના ત્રણથી ચાર તસ્કરો ત્રાટકયા હતા. તસ્કરો મકાનને નિશાન બનાવે તે પહેલા જ મકાન માલિક જાગી જતાં તસ્કરોમાં દોડધામ મચી ગઈ હતી. આ સમયે એક તસ્કર મકાનની દીવાલ કુદીને ભાગવામાં સફળ થઈ ગયો હતો. પરતું ત્યાં લાગેલા સીસીટીવી કેમેરામાં કેદ થઈ ગયો હતો. આ અંગે સોસાયટીના સ્થાનિકોએ ભરૂચ શહેર “એ” ડીવીઝન પોલીસ મથકમાં જાણ કરતા પોલીસે સીસીટીવી ફૂટેજના આધારે તસ્કરોને ઝડપી પાડવાની કવાયત હાથ ધરી છે.

રિપોર્ટર:- કેતન મહેતા, ભરૂચ