ભરૂચ ઝાડેશ્વર ખાતે આવેલા રામ-જાનકી સંકટ મોચન હનુમાન મંદિર ખાતે સમસ્ત ગુજરાત બ્રહ્મસમાજ ભરૂચ દ્વારા સ્નેહ મિલન અને બ્રહ્મરત્ન સાંસ્કૃતિક કાર્યક્રમ યોજયો

બ્રહ્મસમાજમાં ઉભરતી પ્રતિભાને ઉજાગર કરવા માટે નૂતન વર્ષની ઉજવણીના ભાગરૂપે સમસ્ત ગુજરાત બ્રહ્મસમાજ ભરૂચ દ્વારા સમસ્ત ગુજરાત બ્રહ્મસમાજના પૂર્વ જિલ્લા પ્રમુખ અનિલ પંડ્યા તેમજ બ્રહ્મ સોશિયલ ગ્રુપના પ્રમુખ યોગેશ જોશીની અધ્યક્ષતામાં સ્નેહ મિલન અને બ્રહ્મરત્ન સાંસ્કૃતિક કાર્યક્રમ યોજવામાં આવ્યો હતો, જેમાં વિવિધ 24 જેટલી કૃતિઓ રજૂ કરવામાં આવી હતી,આ કાર્યક્રમ દરમ્યાન રામ-જાનકી સંકટ મોચન હનુમાન મંદિરના ગાદીપતિ મહંત રાધેવેન્દ્રદાસનું ઉપસ્થિત બ્રહ્મ અગ્રણીઓના હસ્તે શાલ ઓઢાડી વિશેષ સન્માન કરવામાં આવ્યું હતું,
 ઝાડેશ્વર રામ-જાનકી સંકટ મોચન હનુમાન મંદિર ખાતે યોજાયેલ સ્નેહ મિલન અને બ્રહ્મરત્ન સાંસ્કૃતિક કાર્યક્રમમાં બ્રહ્મ સોશિયલ ગ્રુપના સ્થાપક રજનીકાંત રાવલ, પરશુરામ ક્રેડિટ સોસાયટીના ચેરમેન શૈલેષ દવે, સમસ્ત ગુજરાત બ્રહ્મ સમાજના જિલ્લા મંત્રી પ્રજ્ઞાબેન રાવલ, સ્થાનિક ચેનલના ડિરેક્ટર ઋષિ દવે, બ્રહ્મસમાજ ભરૂચ શહેર એકમના પ્રમુખ હેમંત શુકલ સહિતના બ્રહ્મ અગ્રણીઓ ઉપસ્થિત રહી ઉભરતા બ્રહ્મ કલાકારોને પ્રોત્સાહિત કર્યા હતા, આ સમગ્ર કાર્યક્રમનું સંચાલન બ્રહ્મસમાજ ભરૂચ શહેર એકમના મહામંત્રી રાજુ ભટ્ટે કર્યુ હતું.

રિપોર્ટર:- કેતન મહેતા, ભરૂચ