રાજકોટમાં એક મકાન તેમજ કારમાંથી દારૂના જથ્થા સાથે એક શખ્સની અટક

રાજકોટમાં એક મકાન તેમજ કારમાંથી દારૂના જથ્થા સાથે એક શખ્સને ઝડપી પાડવામાં આવેલ છે. આ મામલે સૂત્રો દ્વારા પ્રાપ્ત થતી વિગતો મુજબ રાજકોટ શહેર પોલીસ દ્વારા પ્રોહીબીશન અને જુગારની પ્રવૃત્તિને નાબુદ કરવા માટે હાથ ધરવામાં આવેલ કાર્યવાહી દરમ્યાન રાજકોટના હરીનગર મેઈન રોડ પર એપાર્ટમેન્ટ પાસેના મકાનમાં રેડ કરી તલાશી લેવામાં આવતા આ મકાન તથા કારમાંથી દારૂની અલગ અલગ બ્રાન્ડની બોટલ નંગ ૨૦૪ તેમજ કાર સહિત કુલ ૩,૯૯, ૨૦૦ નો મુદામાલ કબ્જે કરી આરોપી શખ્સની અટક કરી હતી. હાથ ધરવામાં આવેલ કાર્યવાહી દરમ્યાન પોલીસે તમામ મુદ્દામાલ કબ્જે કરી આરોપી શખ્સની અટક કરી આગળની વધુ કાયદદેસરની કાર્યવાહી હાથ ધરી છે.