ભચાઉ ખાતે આવેલ જૂની ચીરઇ નજીકથી દેશી બંદૂક સાથે એક શખ્સ ઝડપાયો

ભચાઉ ખાતે આવેલ જૂની ચીરઇ નજીકથી દેશી બંદૂક સાથે પોલીસે એક શખ્સને ઝડપી પાડ્યો છે. આ અંગે સૂત્રો દ્વારા પ્રાપ્ત થતી વિગતો મુજબ પોલીસની ટીમ પેટ્રોલિંગમાં હતી તે દરમ્યાન તેમને ખાનગી રાહે બાતમી મળેલ હતી કે, જૂની ચીરઇની એન.એલ.પી.એલ. કંપની ધોરીમાર્ગ બાજુ જતા માર્ગ પર કોઈ શખ્સ દેશી બંદૂક સાથે હાજર છે. મળેલ બાતમીના આધારે પોલીસે કાર્યવાહી હાથ ધરી હકીકત વાળા સ્થળ પર દરોડો પાડી આરોપી ઈશમને દેશી બંદૂક સાથે ઝડપી પાડેલ હતો. પોલીસે પકડાયેલ શખ્સ પાસેથી તમામ મુદ્દામાલ કબ્જે કરી આરોપી ઈશમની અટક કરી તેના વિરુદ્ધ ગુનો નોંધી આગળની વધુ તપાસ હાથ ધરી છે.