બે દિવસ પૂર્વે ગળે ફાંસો ખાઈ લેનાર યુવાને સારવાર દરમ્યાન અંતિમ શ્વાસ લીધા

બે દિવસ અગાઉ ભુજમાં 25 વર્ષીય યુવાને ગળે ફાંસો ખાઈ આપઘાત કરવાનો પ્રયાસ કરેલ હતો જેનું સારવાર દરમ્યાન મોત નીપજયું હોવાનું સામે આવી રહ્યું છે. આ બનાવ અંગે પ્રાપ્ત થતી વિગતો મુજબ ગત તા. 15/12ના સાંજના સમયે ભુજમાં આવેલ જૂની રાવલવાડીમાં રહેતા મૂળ વ્યાર, નખત્રાણાના 25 વર્ષીય યુવાન પ્રવીણ ગોવિંદ જેપારે કોઇ અગમ્ય કારણોસર ગળેફાંસો ખાઇ લીધો હતો. બનાવની જાણ થતાં જ આ યુવાનને સારવાર અર્થે હોસ્પિટલ લઈ જવામાં આવેલ હતો. જ્યાં ગત દિવસે સારવાર દરમ્યાન આ યુવાને અંતિમ શ્વાશ લીધા હતા. આ બનાવ અંગે પોલીસે અકસ્માત મોતનો ગુનો નોંધી આગળની વધુ કાર્યવાહી આદરી છે.