રાજકોટ જેતલસર ગામમાં ખેડૂત પર સિંહે કર્યો ઘાતકી હુમલો

રાજકોટ ખાતે આવેલ જેતપુરના જેતલસર ગામમાં ખેડૂત પર સિંહે ઘાતકી હુમલો કરી દીધો હોવાનો બનાવ સામે આવ્યો છે. આ બનાવ અંગે સૂત્રોમાંથી પ્રાપ્ત થતી વિગતો મુજબ જેતપુરના જેતલસર ગામમાં સિંહે ખેડૂત પર હુમલો કરતા ખેડૂત ઘાયલ થયો હતો. સિંહના હુમલાથી લોહી લુહાણ હાલતમાં ખેડૂત તનસુખભાઈ ઠુંમરને સારવાર અર્થે હોસ્પિટલ લઈ જવામાં આવેલ હતા. આ બનાવની જાણ વનવિભાગને કરવામાં આવતા રેન્જ અધિકારી પહોંચ્યા હતા અને તપાસ હાથ ધરવામાં આવી હતી. બનાવને પગલે સ્થાનિક લોકોમાં ભયનો માહોલ સર્જાયો છે.