ભુજમાં બાવળની ઝાડીઓમાંથી ત્રણ પત્તાપ્રેમીઓ ઝડપાયા : ચાર ફરાર

ભુજના જીઆઈડીસી વિસ્તારમાં બાવળની ઝાડીઓમાંથી ત્રણ જુગાર પ્રેમીઓને પોલીસે ઝડપી પાડ્યા છે તેમજ વધુ ચાર નાસી છૂટવામાં સફળ રહ્યા હતા. આ મામલે સૂત્રોમાંથી પ્રાપ્ત થતી વિગતો અનુસાર ભુજના જીઆઈડીસી વિસ્તારમાં બાવળની ઝાડીઓમાં અમુક ઈશમો ધાણીપાસા વડે રૂપિયાની હારજીતનો જુગાર રમી હતા તે સમયે અચાનક આવેલ પોલીસે અહીથી ત્રણ પત્તાપ્રેમીઓને ઝડપી પાડ્યા હતા. તેમજ વધુમાં માહિતી મળી રહી છે કે હાથ ધરવામાં આવેલ કાર્યવાહી દરમ્યાન અન્ય ચાર શખ્સો નાસી છૂટવામાં સફળ રહ્યા હતા. પોલીસે પકડાયેલ શખ્સો વિરુદ્ધ જુગારધારાની કલમો હેઠળ ગુનો નોંધી આગળની કાયદેસરની કાર્યવાહી હાથ ધરી છે.