ગાંધીધામની હોટલમાં માદક પદાર્થનો જથ્થો રાખી ગેરકાયદેસર રીતે વેચાણ કરનાર હોટલના સંચાલકની થઈ ધરપકડ

સૂત્રો જણાવી રહ્યા છે પોતાની હોટલમાં માદક પદાર્થનો જથ્થો રાખી ગેરકાયદેસર રીતે વેચાણ કરનાર  હોટલ સંચાલકને ગાંધીધામ ઓસઓજીએ દબોચી લીધો છે ઉપરાંત આરોપી પાસેથી 6.25 લાખની કિંમતનો 12.50 ગ્રામ હેરોઈનનો કબ્જે કરવામાં આવેલ હોવાનું સામે આવ્યું છે. આ મામલે વધુમાં પ્રાપ્ત થતી વિગતો મુજબ એસઓજી પોલીસને ખાનગી રાહે બાતમી મળેલ હતી કે,  ગાંધીધામ શહેરમાં આવેલી  હોટલ અપના પંજાબના સંચાલક બલવીન્દરસિંહ જયમલસિંહ પોતાની હોટલમાં ગેરકાયદેસર રીતે માદક પદાર્થ હેરોઈનનો જથ્થો રાખી ગેરકાયદેસર રીતે વેચાણ કરી રહ્યો છે. મળેલ બાતમીના આધારે પોલીસે કાર્યવાહી હાથ ધરી અને દરોડા પાડીને આરોપીને  6.25 લાખની કિંમતનો 12.50 ગ્રામ માદક પદાર્થ હેરોઈનના જથ્થા સાથે દબોચી લીધો હતો. પોલીસે પકડાયેલ શાખ્સ પાસેથી કુલ  7.52 લાખનો મુદ્દામાલ કબ્જે કરી તેના વિરુદ્ધ ગુનો નોંધી આગળની વધુ તપાસ હાથ ધરવામાં આવી છે.