ગુજરાતના અમદાવાદ-કલોલ હાઈવે પર કાબૂ ગુમાવતા એક સાથે 6 વાહનોને અડફેટમાં લીધા : ત્રણ ઘાયલ તેમજ એકની હાલત ગંભીર

ગુજરાતના અમદાવાદ-કલોલ હાઈવે પર અકસ્માતની ઘટના સર્જાઈ છે  જેમાં એસટી બસના ડ્રાઈવરે સ્ટિયરિંગ પરથી કાબૂ ગુમાવતા એક સાથે 6 વાહનોને અડફેટમાં લીધા હોવાના અહેવાલ સામે આવી રહ્યા છે. આ મામલે વધુમાં વર્તુળોમાંથી પ્રાપ્ત થતી વિગતો મુજબ આ બનાવમાં ત્રણ લોકો ઈજાગ્રસ્ત થતા તાત્કાલિક હોસ્પિટલ ખસેડવામાં આવ્યા હતા. જ્યારે એેક વ્યક્તિની હાલત ગંભીર જણાતા ગાંધીનગર સિવિલ હોસ્પિટલ રીફર કરવામાં આવ્યો છે.વધુમાં એસટી બસ ડ્રાઈવર બેફામ રીતે બસ ચલાવતો હોવાનું સામે આવ્યું છે, વધુમાં સૂત્રો જણાવી રહ્યા છે કે, સ્થાનિકોનું કહેવું છે, હાઈવે પર અવારનવાર અકસ્માતની ઘટના બનતી હોય છે. જેને લઈને વાહન ચાલકોમાં ભારે ચિંતા રહે છે.