ગાંધીધામમાંથી 18 હજારની રોકડ સાથે છ પત્તાપ્રેમીઓને પોલીસે દબોચ્યાં

ગાંધીધામના ભારતનગર કૈલાશ સોસાયટીમાંથી છ પત્તાપ્રેમીઓને 18 હજારની રોકડ સાથે પોલીસે દબોચી લીધા હતા. આ મામલે વધુમાં સૂત્રોમાંથી પ્રાપ્ત થતી વિગતો શહેરના ભારતનગર કૈલાશ સોસાયટીની સામે જાહેર સ્થળમાં અમુક ઈશમો રૂપિયાની હાર જીતનો જુગાર રમી રહ્યા હતા ત્યારે અચાનક ત્રાટકેલી પોલીસે અહી રેડ પાડી કાર્યવાહી હાથ ધરી હતી. હાથ ધરવામાં આવેલ કાર્યવાહી દરમ્યાન અહીથી પોલીસે છ જુગારીઓની અટક કરી હતી. પોલીસે પકડાયેલ શખ્સો પાસેથી રોકડા રૂા. 18,300 સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.