ભચાઉ નજીક નર્મદાની કેનાલમાં ડૂબી જવાના કારણે 52 વર્ષીય આધેડએ જીવ ગુમાવ્યો

ભચાઉ નજીક નર્મદાની કેનાલમાં ડૂબી જવાના કારણે 52 વર્ષીય આધેડ મનુભાઈ દેવાભાઈ કોળીનું મોત થયું છે. આ બનાવ અંગે વર્તુળોમાંથી પ્રાપ્ત થતી વિગતો મુજબ ગત તા. 13/6ના ભચાઉ નજીક એસ.આર.પી. કેમ્પ  સામે નર્મદાની કેનાલમાં બપોરના સમયે આ બનાવ બન્યો હતો. જેમાં ભચાઉના હિંમતપુરા વિસ્તારમાં રહેતા મનુભાઈ કોઈ કારણોસર કેનાલના પાણીમાં પડી ગયા હતા. જેથી ડૂબી જવાના કારણે તેમનું મોત થયું હતું. આ બનાવ અંગે પોલીસે આગળની વધુ તપાસ આદરી છે.