શ્રી ઝાલાવાડ સતવારા સમાજના સિતારાઓનું સન્માન
copy image
શ્રી ઝાલાવાડ સતવારા સમાજના સિતારાઓનું સન્માનઆજે સવારથી જ જોરાવરનગર અને સુરેન્દ્રનગરના આસપાસના ગામડાઓમાં એક અલગ જ ઉત્સાહ છવાયેલો હતો. વાતાવરણમાં આનંદ અને અપેક્ષાની ખુશ્બુ ભળી હતી. શ્રી ઝાલાવાડ સમસ્ત સતવારા સમાજ દ્વારા આયોજિત એક ભવ્ય સન્માન સમારંભનો દિવસ હતો, અને આખો સમાજ પોતાના તેજસ્વી તારલાઓને બિરદાવવા માટે થનગની રહ્યો હતો.પંડિત દિનદયાળ ઉપાધ્યાય ટાઉનહોલ, સુરેન્દ્રનગર, સવારના ૯:૩૦ વાગ્યા પહેલાં જ ખીચોખીચ ભરાઈ ગયો હતો. હોલની અંદરનો નજારો જોવા જેવો હતો. રંગબેરંગી રોશની, ફૂલોની સજાવટ અને ઉત્સાહિત ચહેરાઓથી વાતાવરણ જીવંત બન્યું હતું. દરેક વ્યક્તિ આ ઐતિહાસિક ક્ષણનો સાક્ષી બનવા આતુર હતી.કાર્યક્રમની શરૂઆત દીપ પ્રાગટ્ય અને પ્રાર્થનાથી થઈ. મંચ પર ઉપસ્થિત મહાનુભાવોમાં મુખ્ય મહેમાન શ્રી પરસોત્તમભાઈ રૂપાલા સાહેબ, પૂર્વ કેબિનેટ મંત્રીશ્રી, ભારત સરકાર અને સાંસદશ્રી લોકસભા-રાજકોટ, અને અતિથિ વિશેષ તરીકે શ્રી જગદીશભાઈ મકવાણા સાહેબ, નાયબ દંડકશ્રી,ગુજરાત વિધાનસભા તથા શ્રી શંકરભાઈ દલવાડી,પ્રમુખશ્રી ગુજરાત સતવારા મહામંડળ,બોર્ડિંગના મુખ્ય દાતાશ્રી રસિકભાઈ ચૌહાણ, પ્રમુખ અને યુનિટ હેડ એ.વાય.એમ. સિનટેક્ષ – મુંબઈ (બલદાણા),બોર્ડિંગના પ્રમુખશ્રી કાંતિભાઈ માસ્તર,મંત્રીશ્રી રામજીભાઈ લકુમ તથા ટ્રસ્ટી મંડળ,સતવારા કેરિયર એકેડેમીના સંચાલકો, દાતાશ્રીઓ,ડોક્ટરો, એન્જિનિયરો,ઉદ્યોગપતિઓ તેમજ ઝાલાવાડમાં સમાવિષ્ટ વલભીપુર,બરવાળા, રાણપુર,ધંધુકા,ચુડા,લીંબડી, સાયલા,થાનગઢ,ચોટીલા,વઢવાણ,ધાંગધ્રા,હળવદ અને વઢીયાર વિસ્તારના,આગેવાનો,વડીલો અને કાર્યકર્તાઓ, યુવાનો ,બોર્ડિંગના ભૂતપૂર્વ વિદ્યાર્થીઓએ પણ મંચ પર સ્થાન લીધું હતું.આ સન્માન સમારંભ માત્ર વિદ્યાર્થીઓ પૂરતો સીમિત નહોતો. સિદ્ધનાથ મહાદેવની અસીમ કૃપાથી, સમાજે શિક્ષણ ઉપરાંત સમાજસેવા અને રાજકારણમાં પણ નવી ઉંચાઈઓ સર કરી હતી. ગુજરાત બોર્ડમાં ધોરણ ૧૦માં નંબર મેળવનાર ૯ વિદ્યાર્થીઓ, ધોરણ ૧૦-૧૨માં A1 ગ્રેડ મેળવનાર વિદ્યાર્થીઓ, નવનિયુક્ત સરપંચશ્રીઓ અને નગરપાલિકાઓમાં ચૂંટાયેલા સદસ્યશ્રીઓનું પણ સન્માન થવાનું હતું.એક પછી એક વિદ્યાર્થીઓ મંચ પર આવતા ગયા. તેમના ચહેરા પર મહેનતનું ગૌરવ અને ભવિષ્ય માટેની આશા સ્પષ્ટ દેખાતી હતી. તાળીઓના ગડગડાટથી આખો હોલ ગુંજી ઉઠતો હતો. મુખ્ય મહેમાનોના હસ્તે તેમને પ્રમાણપત્રો,શિલ્ડ,સ્કુલ બેગ, ચાંદીના સિક્કા, લેપટોપ અને અન્ય પેટો આપીને સન્માનિત કરવામાં આવ્યા. શ્રી પરસોત્તમભાઈ રૂપાલા સાહેબે પોતાના પ્રેરક ઉદ્બોધનમાં વિદ્યાર્થીઓને સખત મહેનત કરવા અને સમાજનું નામ રોશન કરવા પ્રોત્સાહિત કર્યા. તેમણે સતવારા સમાજના સંસ્કારો અને મૂલ્યોનું મહત્વ સમજાવ્યું.ત્યારબાદ, સમાજના નવનિયુક્ત સરપંચશ્રીઓ અને નગરપાલિકાના સદસ્યશ્રીઓનું સન્માન કરવામાં આવ્યું. તેમણે સમાજની સેવા કરવા અને વિકાસના કાર્યોને વેગ આપવા માટે સંકલ્પ લીધો. આ દ્રશ્ય ખરેખર પ્રેરણાદાયક હતું, કારણ કે તે દર્શાવતું હતું કે સતવારા સમાજ માત્ર શિક્ષણમાં જ નહીં, પરંતુ સામાજિક અને રાજકીય ક્ષેત્રે પણ પ્રગતિ કરી રહ્યો છે.સાધારણ સભાના અધ્યક્ષશ્રી રસિકભાઈ ચૌહાણે પોતાના વક્તવ્યમાં શ્રી ઝાલાવાડ સતવારા બૉર્ડિંગના યોગદાનની સરાહના કરી. તેમણે જણાવ્યું કે આ બોડીંગ અને કન્યા છાત્રાલય અનેક વિદ્યાર્થીઓ માટે આશાનું કિરણ બન્યું છે અને ભવિષ્યના ઘડતરમાં મહત્વનો ભાગ ભજવી રહ્યું છે.સમારંભના અંતે, પ્રમુખશ્રી કાંતિભાઈ રાજાભાઈ પરમાર તથા ટ્રસ્ટીશ્રીઓ, ખજાનચીશ્રી ગીરીશભાઈ દલવાડી, અને મંત્રી શ્રી રામજીભાઈ મુળજીભાઈ લકુમે સૌનો આભાર માન્યો. તેમણે સમાજના સહયોગ અને એકતાની ભાવનાને બિરદાવી.બપોરના ૧:૦૦ વાગ્યા સુધીમાં કાર્યક્રમનું સમાપન થયું, પરંતુ તેની યાદો અને પ્રેરણા લાંબા સમય સુધી લોકોના મનમાં તાજી રહેશે. આ દિવસ ઝાલાવાડ સતવારા સમાજ માટે ગૌરવ અને ઉજ્જવળ ભવિષ્યની પ્રેરણાનો દિવસ બની રહ્યો. આ કાર્યક્રમ સાબિત કરતો હતો કે શિક્ષણ, એકતા અને સમાજસેવાના માધ્યમથી કોઈ પણ સમાજ કેટલી ઊંચાઈઓ સર કરી શકે છે. સમગ્ર કાર્યક્રમનુંસુવ્યવસ્થિત અને ઉદાહરણરૂપ સફળ સ્ટેજ સંચાલન સતવારા કેરિયર એકેડેમીના તમામ સંચાલકોના સાથ અને સહકારથી શ્રી હરેશભાઈ ડાભી- ભૃગુપુર દ્વારા કરવામાં આવ્યુ.
