જિલ્લાના હોટલ/ગેસ્ટહાઉસ/રીસોર્ટ/ધર્મશાળા/સમાજવાડી/ મુસાફર ખાનાના માલિકો/સંચાલકોએ PATHIK સોફ્ટવેર ઈન્સ્ટોલ કરવા જાહેરનામું જાહેર કરાયું
કચ્છ જિલ્લાના શહેરી/ગ્રામ્ય તેમજ અંતરિયાળ વિસ્તારમાં આવેલા ગેસ્ટ હાઉસ તથા હોટલોમાં ત્રાસવાદી સંગઠ્ઠનોના માણસો દ્વારા રોકાઇને પોતાની ત્રાસવાદી પ્રવૃતિને અંજામ આપવાની સંભાવનાઓ રહેલી છે. આવા તત્વો બાબતે સંપૂર્ણ માહિતી મેળવી શકાય તેમજ તેમના ઉપર અંકુશ લાવી શકાય તે માટે હોટલ ગેસ્ટ હાઉસના માલિકો/સંચાલકોએ નિયમોનું પાલન કરવા તેમજ ગ્રાહકની રજિસ્ટ્રર એન્ટ્રી સાથે દરેક હોટલે પોતાના રિસેપ્શન કાઉન્ટર ઉપર ઈન્ટરનેટ કનેક્ટિવિટી સાથેનું એક કમ્પ્યૂટર રાખી જેમાં અમદાવાદ પોલીસ દ્વારા તૈયાર કરવામાં આવેલા PATHIK (Program for Analysis of Traveller & Hotel informatics) સોફ્ટવેર ઈન્સ્ટોલ કરાવી કચ્છ જિલ્લામાં અમલવારી કરાવવા કચ્છ જિલ્લા મેજિસ્ટ્રેટશ્રી આનંદ પટેલ દ્વારા ભારતીય નાગરિક સુરક્ષા સંહિતા-૨૦૨૩ની કલમ-૧૬૩ અન્વયે હુકમ ફરમાવેલો છે.
આ હુકમ મુજબ સમગ્ર કચ્છ જિલ્લાના શહેરી/ગ્રામ્ય તેમજ અંતરિયાળ વિસ્તારમાં આવેલા દરેક હોટલ/ગેસ્ટહાઉસ/રીસોર્ટ/ધર્મશાળા/સમાજવાડી/મુસાફરખાના ના માલિકો/સંચાલકોએ ગ્રાહકની રજિસ્ટ્રર એન્ટ્રીની સાથે પોતાના રિસેપ્શન કાઉન્ટર ઉપર ઈન્ટરનેટ કનેક્ટિવિટી સાથેનું એક કમ્પ્યૂટર રાખી જેમાં અમદાવાદ શહેરી પોલીસ દ્વારા તૈયાર કરવામાં આવેલા તમામ PATHIK (Program for Analysis of Traveller & Hotel informatics) સોફ્ટવેર ઈન્સ્ટોલ કરાવી રજિસ્ટ્રરમાં થતી એન્ટ્રી આ PATHIK સોફ્ટવેરમાં કરવાં જાહેરનામું બહાર પાડયું છે.
ભારતીય નાગરિક સુરક્ષા સંહિતા-૨૦૨૩ની કલમ-૨૧૫ની આદેશાત્મક જોગવાઇઓ ધ્યાને લઈ આ જાહેરનામાનાં ભંગ બદલ ભારતીય ન્યાય સંહિતા-૨૦૨૩ની કલમ-૨૨૩ અન્વયે તપાસના અંતે આ જાહેરનામા હેઠળ તપાસ કરવાના. જાહેરનામાનાં પાલન કરાવવાના અને ફરિયાદ રજૂ કરવાના અધિકાર જિલ્લાના પોલીસ અધિકારીશ્રીઓ, તેમજ પોલીસ સબ ઈન્સ્પેક્ટરનો હોદો ધરાવનાર તમામ અધિકારીઓને જાહેરનામાનો ભંગ કરનાર ઈસમો કરનાર, ઈસમો વિરુદ્ધ ફરિયાદ કરવા માટે અધિકૃત કરવામાં આવે છે.
આ હુકમ સમગ્ર કચ્છ જિલ્લામાં લાગુ પડશે. આ હુકમ તા.૧૨/૦૯/૨૦૨૫ સુધી અમલમાં રહેશે. આ હુકમનો ભંગ કે ઉલ્લંઘન કરનાર ઈસમ ભારતીય દંડ સહિતાની કલમ-૨૨૩ મુજબ શિક્ષાને પાત્ર થશે.
અંજના ભટ્ટી
