અંજારના ખેડોઈમાંથી 23 હજારની રોકડ સાથે છ ખેલીઓની અટક

  અંજાર ખાતે આવેલ ખેડોઈમાંથી 23 હજારની રોકડ સાથે છ ખેલીઓને પોલીસે દબોચી લીધા હતા. આ મામલે વધુમાં પ્રાપ્ત થતી વિગતો મુજબ ગત તા. 23ના રોજ રાત્રીના સમયે પોલીસની ટીમ ડ્યૂટિ પર હતી તે સમયે તેમને ખાનગી રાહે બાતમી મળેલ હતી કે, ખેડોઈ ગામમાં અમુક ઈશમો જાહેરમાં જુગાર રમી રહ્યા છે. મળેલ બાતમીના આધારે પોલીસે કાર્યવાહી હાથ ધરી અને બાતમી હકીકત વાળા સ્થળ પરથી રોકડ રૂ. 23,500 સાથે છ ખેલીઓને ઝડપી પાડ્યા હતા. પોલીસે પકડાયેલ શખ્સો પાસેથી તમામ મુદ્દામાલ કબ્જે કરી તેના વિરુદ્ધ જુગારધારાની કલમો હેઠળ ગુનો નોંધી આગળની વધુ તપાસ હાથ ધરી છે.