ભુજ-માધાપર ધોરીમાર્ગેથી તીનપત્તીનો જુગાર રમતા પાંચ ખેલીઓની ધરપકડ

 ભુજ-માધાપર ધોરીમાર્ગેથી તીનપત્તીનો જુગાર રમતા પાંચ શખ્સોને પોલીસે ઝડપી પાડ્યા છે. આ મામલે વધુમાં સૂત્રોમાંથી પ્રાપ્ત થતી વિગતો મુજબ ભુજ બી-ડિવિઝન પોલીસની ટીમ ડ્યૂટી પર હતી તે સમયે તેમને ખાનગી રાહે બાતમી મળેલ હતી કે, માધાપર ધોરીમાર્ગ પર વસીલા ઝેરોક્ષવાળી ગલીમાં રેલવે ક્રોસિંગની નજીક અમુક ઈશમો બાવળોની ઝાડીમાં રૂપિયાની હારજીતનો જુગાર રમી રહ્યા છે. મળેલ બાતમીના આધારે હકીકત વાળા સ્થળ પર રેડ પાડી અહીથી તીનપત્તીનો જુગાર રમતા પાંચ ખેલીઓને રંગે હાથ દબોચી લીધા હતા. પોલીસે પકડાયેલ ખેલીઓ પાસેથી રોકડ સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.