રામવાવમાંથી 15 હજારની રોકડ સાથે બે ખેલીઓ ઝડપાયા : બે ફરાર

રાપરના જૂના રામવાવમાંથી 15 હજારની રોકડ સાથે બે ખેલીઓને પોલીસે ઝડપી પાડ્યા છે જ્યારે અન્ય બે નાસી છૂટવામાં સફળ રહ્યા હતા. રાપરના જૂના રામવાવના બસ સ્ટેન્ડના ઓટલા નજીક અમુક ઈશમો રૂપિયાની હારજીતનો જુગાર રમી રહ્યા હતા તે સમયે અચાનક ત્રાટકેલી પોલીસે અહીથી રોકડ રૂા. 15,400 તથા બે મોબાઈલ એમ કુલ રૂા. 25,400ના મુદ્દામાલ સાથે બે ઈશમોને ઝડપી પાડ્યા હતા, જ્યારે અન્ય બે નાસી જવામાં સફળ રહ્યા હતા. પોલીસે પકડાયેલ ખેલીઓ પાસેથી રોકડ સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.