“તેરા તુજકો અર્પણ ઝંબેશ અંતર્ગત અરજદારશ્રીની ગુમ થયેલ એક્ટીવા શોધી અરજદારશ્રીને પરત કરી તેરા તુજકો અર્પણ સુત્રને સાર્થક કરતી લોકલ ક્રાઇમ બ્રાન્ચ પશ્ચિમ કચ્છ ભુજ

શ્રી ચિરાગ કોરડીયા સાહેબ, પોલીસ મહાનિરીક્ષકશ્રી, સરહદી રેન્જ, ભુજ તથા શ્રી વિકાસ સુંડા સાહેબ પોલીસ અધિક્ષકશ્રી પશ્ચિમ કચ્છ નાઓએ “તેરા તુજકો અર્પણ” ઝુંબેશ અંતર્ગત જીલ્લામાં લોકોના ગુમ/ચોરી થયેલ ચીજ વસ્તુઓ શોધી લોકોને પરત અપાવી તેરા તુજકો અર્પણ સુત્રને સાર્થક કરવા માટે સુચના અને માર્ગદર્શન આપેલ.

જે સુચના અનુસંધાને લોકલ ક્રાઇમ બ્રાન્ય પશ્ચિમ કચ્છ-ભુજના ઇન્ચાર્જ પોલીસ ઇન્સ્પેકટરશ્રી એચ.આર. જેઠી તથા પોલીસ સબ ઇન્સ્પેકટરશ્રી જે.બી.જાદવ નાઓના માર્ગદર્શન હેઠળ લોકલ ક્રાઇમ બ્રાન્ચના પોલીસ હેડ કોન્સ્ટેબલ સુરજભાઇ વેગડા, મુળરાજભાઇ ગઢવી તથા લીલાભાઇ દેસાઇનાઓ માંડવી પોલીસ સ્ટેશન વિસ્તારમાં નાઇટ પેટ્રોલીંગમાં અવાવળુ જગ્યાઓ ચેક કરતા હતા દરમ્યાન નીલકંઠનગરની પાછળ આવેલ બાવળોની ઝાડીમાંથી એક એક્ટીવા મળી આવેલ જેથી એક્ટીવાના એન્જીન નંબર આધારે એક્ટીવાના માલીક રૂપેશ જીતેન્દ્રભાઈ સોની રહે. માંડવી વાળાનો સંપર્ક કરી મુળ માલીકને એક્ટીવા પરત કરી તેરા તુજકો અર્પણ સુત્રને સાર્થક કરેલ છે.