આરટીઓ અંજાર ખાતે ફોર-વ્હીલર, થ્રી- વ્હીલર અને ટ્રાન્સપોર્ટ વાહનોમાં ગોલ્ડન, સિલ્વર નંબરોની સિરિઝનું રી-ઓક્શન કરાશે

પ્રાદેશિક વાહન વ્યવહાર અધિકારીશ્રી, અંજાર – કચ્છની અખબારી યાદી મુજબ ફોર-વ્હીલર LMV કાર, થ્રી – વ્હીલર અને ટ્રાન્સપોર્ટ વાહનોમાં અગાઉની બાકી રહેલ ગોલ્ડન,  સિલ્વર નંબરોનું  રી-ઓક્શન શરૂ કરવામાં આવનાર છે. અંજાર, ગાંધીધામ, ભચાઉ અને રાપર (પૂર્વ કચ્છ) માટે ઓનલાઇન અરજી ૧૪/૧૦/૨૦૨૫, સમય સાંજે ૦૪ કલાકે શરૂ થશે. ઓનલાઇન અરજી કરવાની છેલ્લી તારીખ ૧૬/૧૦/૨૦૨૫, સમય સાંજે ૦૪ કલાક સુધી રહેશે. ઇ-ઓક્શનની શરૂઆત તારીખ ૧૬/૧૦/૨૦૨૫, સમય સાંજે ૪ કલાક સુધી, ઇ-ઓક્શન સમાપ્ત તારીખ ૧૮/૧૦/૨૦૨૫, સમય સાંજે ૪ કલાક સુધી થશે.

સુવર્ણ-ગોલ્ડન નંબર ફીના દર રૂ.૪૦૦૦૦, રજત-સિલ્વર નંબર ફીના દર રૂ.૧૫૦૦૦ તથા અન્ય નંબર માટે ફીના દર રૂ.૮૦૦૦ રહેશે. પસંદગીનો નંબર મેળવવા ઇચ્છતા વાહન માલિકોએ પોતાના વાહનોનું રજિસ્ટ્રેશન https://vahan.parivahan.gov.in/fancy પર કરાવી શકશે તેવું પ્રાદેશિક વાહન વ્યવહાર અધિકારીશ્રી, અંજાર કચ્છની અખબારી યાદીમાં જણાવામાં આવ્યું છે.