ચેક પરત ફરવાના કેસમાં આરોપી શખ્સ એક વર્ષ માટે જેલના હવાલે

ચેક પરતના પ્રકરણમાં ભુજના આરોપી શખ્સને એક વર્ષની કેદ ફરકારવામાં આવેલ છે. ત્યારે આ મામલે વધુમાં પ્રાપ્ત થતી વિગતો મુજબ આ બનાવના ફરિયાદી એવા રમેશભાઇ ચમનભાઇ પ્રજાપતિ વર્ષ 2019માં ભુજમાં અભ્યાસ-નોકરી કરી રહ્યા હતા, તે દરમ્યાન મિત્રતાના નાતે આરોપી અઝીમ ઇશાક સુમરા ઈશમને 19 લાખ ઉછીના આપેલ હતા. જે પરત આપવા અંગે આપવામાં આવેલ ચેક પરત ફરતા આરોપી શખ્સ વિરુદ્ધ કોર્ટમાં કેસ દાખલ કરવામાં આવેલ હતો.જેમાં, કોર્ટે બંને પક્ષની દલીલો સાંભળ્યા બાદ આરોપીને તકસીરવાન ઠેરવી એક વર્ષની સાદી કેદની સજા તથા રૂા. 19 લાખ ફરિયાદીને વળતર પેટે ચૂકવવા હુકમ જાહેર કર્યો હતો.