બળદિયામાંથી 13 હજારની રોકડ સાથે ચાર પત્તાપ્રેમીઓની થઈ ધરપકડ

ભુજના બળદિયામાંથી 13 હજારની રોકડ સાથે ચાર જુગારીઓને પોલીસે રંગે હાથ દબોચી લીધા છે.  ત્યારે આ મામલે વધુમાં પ્રાપ્ત થતી વિગતો મુજબ, માનકૂવા પોલીસની ટીમ ડ્યૂટી પર હતી તે સમયે તેમને ખાનગી રાહે બાતમી મળેલ હતી કે, બળદિયાના ઉપલાવાસમાં ક્રિકેટનાં મેદાનની પાછળ બાવળોની ઝાડીમાં અમુક ઈશમો રૂપિયા વડે પોતાનું નસીબ અજમાવી રહ્યા છે.  મળેલ બાતમીના આધારે પોલીસે કાર્યવાહી હાથ ધરી અને હકીકત વાળા સ્થળ પર રેડ પાડી અહીથી  રોકડા રૂા. 13,560ના મુદ્દામાલ સાથે ચાર ઈશમોને રંગે હાથ ઝડપી પાડ્યા હતા. પોલીસે પકડાયેલ ખેલીઓ વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.