રતાડિયા માર્ગેથી વરલી મટકાના આંકફરકનો જુગાર રમાડતા એક શખ્સની થઈ ધરપકડ

મુંદ્રા તાલુકાનાં રતાડિયા માર્ગેથી વરલી મટકાના આંકફરકનો જુગાર રમાડતા એક શખ્સને પોલીસે ઝડપી પાડ્યો છે. ત્યારે આ મામલે વધુમાં પ્રાપ્ત થતી વિગતો  મુજબ, પ્રાગપર પોલીસની ટીમ પેટ્રોલિંગમાં હતી તે દરમ્યાન તેમને ખાનગી રાહે બાતમી મળેલ હતી કે, રતાડિયા માર્ગે કોઈ ઈશમ વરલી મટકાના આંકફરકનો જુગાર રમી રહ્યો છે. મળેલ બાતમીના આધારે પોલીસે કાર્યવાહી હાથ ધરી અને આરોપી ઈશમને રંગે હાથ ઝડપી પાડ્યો હતો. પોલીસે પકડાયેલ શખ્સ પાસેથી રોકડ સહિત તમામ મુદ્દામાલ કબ્જે કરી આગળની વધુ કાયદેસરની કાર્યવાહી હાથ ધરી છે.