મહારાષ્ટ્રના પૂણેથી કચ્છ ફરવા આવેલ યુવાનના વાહનની ડેકીમાંથી કેમેરાની તસ્કરી

મહારાષ્ટ્રના પૂણેથી કચ્છમાં ફરવા આવેલ યુવાનના વાહનની ડેકીમાંથી કેમેરાની તસ્કરી થતાં પોલીસ મથકે ફરિયાદ નોંધાવવામાં આવેલ; છે. ત્યારે આ મામલે વધુમાં પ્રાપ્ત થતી વિગતો મુજબ, ગત તા. 25/1થી 30/1 દરમ્યાન મહારાષ્ટ્રના પૂણેમાં રહેનાર સોફ્ટવેર ઇજનેર હંસરાજ ઉમેશ સહાની નામનાઓ યુવાન પોતાની મિત્ર શ્રેયા ચૌવલે સાથે ફરવા માટે કચ્છ આવેલ હતો. આ બંને મિત્રો સ્મૃતિવન ફરવા ગયા હતા. જ્યાં સ્મૃતિવનના પ્રવેશ ગેટ નજીક રોડની બાજુએ વોક-વે પર એક્ટિવા મૂકી અંદર ફરવા ગયેલ હતા. બાદમાં પરત આવતા એક્ટિવાની ડેકી ખૂલી જોવા મળી આવી હતી. વધુ તપાસ કરતાં આ એક્ટિવાની ડેકીમાં મુકેલ રૂા. 45,000નો કેમેરો ગુમ જણાયો હતો. અજાણ્યા ચોર ઈશમોએ કોઈ પણ રીતે એક્ટિવાની ડેકી ખોલી તેમાંથી આ કેમેરાની ચોરી કરી ફરાર થઈ ગયેલ હતા. આ મામલે પોલીસ મથકે ફરિયાદ નોંધાવવામાં આવતા પોલીસે આગળની વધુ તપાસ હાથ ધરી છે.