વરસાણા ચોકડી નજીક સર્જાયેલ ગોઝારા અકસ્માતમાં 20 વર્ષીય યુવાન કાળનો કોળિયો બન્યો

વરસાણા ચોકડી નજીક સર્જાયેલ અકસ્માતમાં 20 વર્ષીય યુવાને જીવ ખોયો હોવાના અહેવાલ સામે આવી રહ્યા છે. ત્યારે આ ગોઝારા બનાવ અંગે મળતી વિગતો મુજબ, વરસાણા ચોકડીથી ભીમાસર તરફ જતા માર્ગે આ ઘટના બની હતી. હતભાગી પાલાભાઈ નામનો યુવક રસ્તો ઓળંગી રહ્યો હતો તે સમયે પૂરઝડપે આવતી સફેદ રંગની વેન્યૂ કારના ચાલકે તેને હડફેટે લેતા ગંભીર રીતે ઘાયલ થયો હતો. આ બનાવમાં ગંભીર રીતે ઘાયલ થયેલ આ યુવાનનું સારવાર કારગત નીવડે તે પૂર્વે જ મોત થયું હતું. આ બનાવ અંગે પોલીસે નોંધ કરી આગળની વધુ તપાસ આદરી છે.