ભારત વિશ્વમાં સૈન્ય પાછળ ખર્ચ કરતો પાંચમો સૌથી મોટો દેશ બન્યો

સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યૂટ (SIPRI) ના તાજેતરના અહેવાલ મુજબ, ભારત હવે વિશ્વનો પાંચમો સૌથી મોટો સૈન્ય ખર્ચ કરતો દેશ બની ગયો છે. આ અહેવાલ વર્ષ 2025 ના આંકડાઓ પર આધારિત છે. વૈશ્વિક ક્રમ અને ખર્ચ ટોચના 5 દેશો: અમેરિકા, ચીન, રશિયા અને જર્મની બાદ ભારત પાંચમા ક્રમે છે. ભારતનો કુલ ખર્ચ: વર્ષ 2025 માં ભારતનો સૈન્ય ખર્ચ 92.1 અબજ ડોલર રહ્યો છે, જે અગાઉના વર્ષ કરતા 8.9% નો વધારો દર્શાવે છે. વૈશ્વિક હિસ્સો: કુલ વૈશ્વિક સૈન્ય ખર્ચમાં ભારતનો હિસ્સો 3.2% છે. ખર્ચ વધવાનું મુખ્ય કારણ: ‘ઓપરેશન સિંદૂર’રિપોર્ટ અનુસાર, ભારતના સૈન્ય બજેટમાં આ નોંધપાત્ર વધારા પાછળ ‘ઓપરેશન સિંદૂર’ એક મહત્વનું કારણ રહ્યું છે. આ ઓપરેશન દરમિયાન સશસ્ત્ર દળોએ તાત્કાલિક ધોરણે આધુનિક હથિયારો અને સાધનસામગ્રીની ખરીદી કરી હતી. પાકિસ્તાન અને ચીન સાથેની સરહદો પર ચાલી રહેલા તણાવને કારણે સેનાને ‘યુદ્ધ માટે સજ્જ’ રાખવા માટે આ આકસ્મિક ખર્ચ કરવામાં આવ્યો હતો.