મુન્દ્રા,તા.૩: મુન્દ્રાના બારોઇ રોડ મધ્યે આવેલ નૂતન સ્વામિનારાયણ મંદિરે રવિવાર તા.૪-૮-૧૯ ના સાંજે ૪:૩૦ થી ભવ્ય હિંડોળા દર્શન ઉદ્દઘાટન મહોત્સવનો કાર્યક્રમ રાખવામાં આવેલ છે. આ પ્રસંગે ભુજ મંદિરથી સ.ગુ. સ્વામી પ્રેમપ્રકાશદાસજી, સ.ગુ. સ્વામી દેવકૃષ્ણદાસજી, સ.ગુ. સ્વામી શ્રીહરિદાસજી, સ.ગુ. સ્વામી નીલકંઠચરણદાસજી, ભુજ મંદિરના મુખ્ય કોઠારીશ્રી દેવપ્રકાશદાસજી સ્વામી, શ્રી સુખદેવસ્વરૂપદાસજી સ્વામી, શા.શ્રી કૃષ્ણસ્વરૂપદાસજી સ્વામી, શ્રી સુખનંદનદાસજી સ્વામી તેમજ આદિક સંતો પધારશે. શા.શ્રી કૃષ્ણસ્વરૂપ દાસજી સ્વામીની સત્સંગ સભા બાદ મહેશભાઈ ઠકકર તથા રતનભાઈ ચૌધરીના યજમાન પદે સમૂહ મહા પ્રસાદનું આયોજન કરવામાં આવેલ છે. સૌ હરિભક્તોને આ પ્રસંગે પરિવાર સહ પધારવા મુન્દ્રા નૂતન સ્વામિનારાયણ મંદિર તરફથી આમંત્રણ આપવામાં આવેલ છે.
