રાયધણપરમાં આભ ફાટ્યું! ભુજ હાઈવે પર મેઘરાજાની તોફાની બેટિંગ, રસ્તા બન્યા દરિયા!
ભુજ તાલુકાના રાયધણપર ગામમાં અત્યારે જે નજારો છે તે જોતા જ રુવાંટા ઉભા થઈ જાય!
આજે બપોરે રાયધણપરના હાઈવે પર મેઘરાજા એવા મહેરબાન થયા કે આખું આકાશ ધરતી પર ઉતરી આવ્યું હોય એવું લાગી રહ્યું છે. આ લાઈવ વિડીયો રાયધણપરનો છે, જુઓ કેવો ધોધમાર વરસાદ પડી રહ્યો છે.
રસ્તા પર પાણી જ પાણી ભરાઈ ગયું છે, બાઈકો પાણીમાં ડૂબેલી ઉભી છે અને દુકાનોના ઓટલા પર લોકો ઉભા રહીને આ વરસાદને જોઈ રહ્યા છે. એક કાર પણ રસ્તાની વચ્ચે પાણીમાં ધીમે ધીમે પસાર થતી જોવા મળે છે.
લાંબા સમયથી રાહ જોવાતા વરસાદે આજે રાયધણપર વાસીઓને ખુશ ખુશ કરી દીધા છે. ખેડૂતો, માલધારીઓ અને વેપારીઓ સૌના ચહેરા પર ખુશીનો માહોલ છે.
ખરેખર, આ વરસાદ રાયધણપર માટે નસીબનો વરસાદ છે!