મુન્દ્રામાં બે દરોડામાં આંકડાનો જુગાર રમાડતા બે બુકી ઝડપાયા

મુન્દ્રા પોલીસે નોન કરપ્ટેડ આઇજી સુભાષ ત્રિવેદીએ ચાર્જ લેતાંજ આંકડાના ધંધાર્થીઓ પર સપાટો બોલાવતા બે બુકીઓને રોકડ રકમ સમેત દબોચી કુલ્લ 51150નો મુદામાલ જપ્ત કરી સલાખોં પાછળ ધકેલી દીધા હતા.સૂત્રો પાસેથી પ્રાપ્ત અહેવાલ મુજબ મુન્દ્રા પોલીસે મળેલ બાતમીના આધારે પ્રથમ તળાવવાળા નાકા પાસે આંકડાની બીટ લેતા ઉમર ઓસમાણ જુણેજા (ઉ.વ.50 રહે સુખપર)ને 610રૂ રોકડ,300રૂની ત્રણ નંગ બોલપેન અને 12500રૂના ચાર નંગ મોબાઈલ સમેત કુલ્લ 13110ના મુદામાલ સાથે દબોચી લીધો હતો.અને અન્ય એક કિસ્સામાં સુખપરની પ્રા શાળા નજીકથી અમીન અબ્દુલ્લાહ કકલ (ઉ.વ.32 રહે સુખપર)ને 1550રૂ રોકડ તથા 36500ના પાંચ નંગ મોબાઈલ અને બોલપેન સમેત ઝડપી લઇ કુલ્લ 38050નો મુદામાલ જપ્ત કરી બંને આરોપીઓને જેલના સળીયા પાછળ ધકેલી દીધા હતા. અા કામગીરીમાં મુન્દ્રા પોલીસ મથકના હેડ કોન્સ્ટેબલ શક્તિસિંહ ગોહિલ, અશોકભાઇ કનાદ, દેવરાજભાઇ ગઢવી, તથા પ્રદ્યુમનસિંહ ગોહિલ, વિજયભાઇ પરાલીયા, જયદેવસિંહ ઝાલા, રાજદીપસિંહ ગોહિલ સહિતનો સ્ટાફ જોડાયો હતો.