ગત ૪ ડિસેમ્બરના પશ્ચિમ કચ્છ એલસીબીએ નલિયાના મોટી વમોટી ગામની સીમમાં દરોડો પાડીને ૫ લાખના વિદેશી દારૂ સાથે બે શખ્સોને ઝડપ્યા હતા. આ ઝડપાયેલા શખ્સોએ જંગી જથ્થામાં ઝડપાયેલો આ દારૂ અબડાસાના કુખ્યાત બુટલેગરો ખાનાય ગામના રાસુભા તગજી સોઢા અને જીતુભા સોઢાનો હોવાનું જણાવ્યું હતું. જોકે, આ મામલે જિલ્લા પોલીસ વડાની તપાસમાં નલિયાના પીએસઆઇ સંજયદાન એ. ગઢવી અને બીટ જમાદાર અનવર નારેજાની બેદરકારી જણાતાં તે બન્નેને ફરજમાં બેદરકારી બદલ સસ્પેન્ડ કરી દેવાયા છે.
