અંજારમાં ખાનગી નોકરીની લાલચે યુવતી સાથે બનેલા છેડતીના બનાવે ચકચાર સર્જી છે. આ બનાવ અંગે ૧૮ વર્ષીય યુવતીએ પોતાના પરિવારજનોને જાણ કરીને તેમની મદદથી અંજારના ખંભરા ગામના નરેશ રમેશચંદ્ર વ્યાસ નામના વિપ્ર શખ્સ વિરુદ્ઘ ફરિયાદ નોંધાવી છે. બે દિવસ પહેલા તા/૧૯/૧૨ ના આરોપી નરેશ આ યુવતીને ખાનગી કંપનીમાં અકિલા સારી નોકરી આપવાની લાલચ આપીને બપોરે ૩ વાગ્યાના અરસામાં પોતાની સ્વીફ્ટ કારમાં બેસાડી મારીંગડા ગામના રસ્તા ઉપર લઈ ગયો હતો. વાતચીત દરમ્યાન એકાએક આરોપી નરેશે યુવતી સાથે છેડતી, અશ્લીલ હરકતો કરીને અકીલા નોકરી અપાવવા માટે બિભત્સ માંગણી કરી હતી. ડરી ગયેલી યુવતીએ પ્રતિકાર કરી બુમાબુમ કરી હતી. આ બનાવ અંગે યુવતીએ પોતાના પરિવારજનોને જાણ કરતા તેમણે પોલીસ ફરિયાદ નોંધાવી હતી. પોલીસે આરોપીની શોધખોળ શરૂ કરી છે.
