મોરબીના વિસીપરા વિસ્તારમાં ત્રણ દિવસ પહેલા થયેલ બોલાચાલીનો ખાર રાખી ચાર શખ્સોએ મહિલાના ઘરમાં ધોકા-પાઈપ વડે તોડ-ફોડ કરી ગાળો આપી જાનથી મારી નાખવાની ધમકી આપ્યાની ફરિયાદ મોરબી બી ડીવીઝન પોલીસ મથકમાં નોંધાઈ છે. મળતી વિગત મુજબ મોરબીના વિસીપરા વિસ્તારમાં આવેલ બીલાલી મસ્જીદ પાછળ રહેતા અફ્સાનાબેન જાવીદભાઈ અકિલા કાથરોટીયાના પતિ જાવીદભાઈને આરોપી નિઝામ હીદારભાઈ જેડા, અલ્તાફ હૈદરભાઈ જેડા, હનીફ હુશેનભાઈ જેડા અને એક અજાણ્યા શખ્સ સાથે ત્રણેક દિવસ પહેલા બોલાચાલી થયેલ અને જે બાબતે સમાધાન થઇ ગયેલ હોય તેમ છતાં આરોપીઓએ તે બાબતનું મનદુઃખ રાખી ગાળો આપી ઘરમાં ધોકા તથા પાઈપ અને ઘારીયા જેવા હથિયાર વડે ઘરમાં તોડફોડ કરી નુકશાન કરી જાનથી મારી નાખવાની ઘમકી આપી હોવાની ફરિયાદ મોરબી બી ડીવીઝન પોલીસ મથકમાં નોંધાઈ છે.
