મોરબી એલસીબીએ બે સ્થળે દરોડા પાડી ૪૬૭ બોટલ સાથે ચારને ઝડપી લીધા

મકરસંક્રાંતિના તહેવાર અનુસંધાને મોરબી એલ.સી. ટીમે મોરબી તાલુકાના પીપળી ગામની સીમ અને હળવદના મિયાણી ગામની સીમમાં દરોડા પાડીને દારૂનો જથ્થો ઝડપી લીધો હતો. મોરબી એલ.સી.બી. ટીમને મળેલ માર્ગદર્શન હેઠળ એલ.સી.બી. પી.આઈ. વી.બી.જાડેજાની સુચનાથી પોલીસ સ્ટાફ પેટ્રોલિંગમાં હોય દરમિયાન જયવંતસિંહ ગોહિલ અને ભરતભાઈ મિયાત્રાએ મળેલ બાતમીના આધારે મોરબી તાલુકાના પીપળી ગામની સીમમાં એફિલ સિરામિક જવાના કાચા રસ્તા પર આરોપી મોમાઈભાઈ ભીખાભાઈ રબારી, બાબુભાઈ દ્યનાભાઈ ભરવાડ, કમલેશભાઈ તેજાભાઈ રબારીને મારુતિ સ્વીફટ કાર માંથી વિદેશી દારૂની બોટલ નંગ-૧૦૮, સ્વીફ્ટ કાર કીમત રૂ.૪,૦૦,૦૦૦ અને મોબાઈલ નંગ-૫ કીમત રૂ.૨૧,૦૦૦ એમ કુલ મુદામાલ કીમત રૂ.૪.૫૩,૦૦૦ સાથે ઝડપી પાડી ધોરણસરની કાર્યવાહી હાથ ધરી હતી