કુકમા ગામ માં રોયલ્ટી ભર્યા વગરની રેતી લઇને જતું ટ્રેકટર જડપાયું

ભુજ તાલુકાના કુકમા ગામેથી સ્થાનિક પદ્ધર પોલીસે પેટ્રોલિંગ દરમ્યાન રોયલ્ટી ભર્યા વગરની રેતી સાથેનું ટ્રેકટર ઝડપી તેના ચાલક રાજેશ ડાહયા મહેશ્વરીની અટક કરી હતી.’ પદ્ધર પોલીસની ટુકડીએ આ કિસ્સામાં ટ્રેકટરને રોકવા પ્રયાસ કરતા ટ્રેકટર ભગાડી જવાનો પ્રયાસ કરાયો હતો. પરન્તુ પોલીસે પીછો કરીને ટ્રેકટરને આંતરીને પકડી પાડયું હતું. સત્તાવાર સાધનોએ આ માહિતી આપતાં જણાવ્યું હતું કે ચાલક રાજેશ પાસે રેતી વિશે કોઇ આધાર-પુરાવા ન હોવાથી ટ્રેકટર અને રેતી કબજે લઇ તેની અટક કરાઇ હતી. કેસની આગળની કાર્યવાહી માટે ખાણખનિજ ખાતાને અહેવાલ મોકલી અપાયો છે