ડીસા શહેરમાં ફૂડ વિભાગના દરોડાથી વેપારીઓમાં ભય

ડીસામાં ફૂડ એન્ડ ડ્રગ વિભાગના દરોડા પડ્યા હતા. જિલ્લા ફૂડ એન્ડ ડ્રગ વિભાગ દ્વારા શહેરના લાઠીબજાર વિસ્તારમાં આવેલી જતિન ટ્રેડિંગ નામની કંપનીમાં દરોડા પાડીને જાણીતી ત્રણ કંપનીના સેમ્પલ લઈને પરીક્ષણ અર્થે વડોદરા મોકલી આપવામાં આવ્યા છે. ઉત્તર ગુજરાતનું વેપારી મથક ડીસા શહેરના ખાધ ચીજવસ્તુની નકલી બનાવટને લઈ કુખ્યાત થયેલું શહેર છે. અને ડીસામાથી જાણીતી કંપનીના ખાધ પદાર્થોનું ધૂમ ડુપ્લિકેટિંગ થયાની વારંવાર ફરિયાદો ઉઠતી હોય છે. જેને પગલે જિલ્લાના ફૂડ એન્ડ ડ્રગ વિભાગ ડીસા શ્હેરમાં ઓચિંતી તપાસ માટે પહોંચી ગયું હતું. ફૂડ એન્ડ ડ્રગ વિભાગે ડીસા શહેરના લાઠી બજાર વિસ્તારમાં આવેલી જતિન ટ્રેડિંગ નામની પેઢી પર દરોડા પાડીને તિરુપતિ, ફોર્ચ્યુન અને એમ.એ.પી. બ્રાન્ડની કંપનીના તેલના સેમ્પલ લઈ પરીક્ષણ અર્થે વડોદરા મોકલવામાં આવ્યા છે.. ડીસામાં આજે ફૂડ એન્ડ ડ્રગ વિભાગની ટિમ દ્વારા ઓચિંતી તપાસથી તેલના વેપારીઓમાં ફફડાટ મચી ગયો હતો.