આદિત્ય રોય કપૂરે એક વિલન 2 ફિલ્મ છોડી દેતા સૌ આશ્ચર્યમાં છે. મોહિત સૂરી અને એકતા કપૂર હાલ ફિલ્મ એક વિલેનનો બીજો ભાગ બનાવી રહ્યા છે મોહિતના પ્રિય અભિનેતા આદિત્ય રોય કપૂરે ઘણી ફિલ્મો સાથે કરી છે, પરંતુ આદિત્યએ આ ફિલ્મમાં કામ કરવાનો ઇનકાર કરીને સહુને ચોંકાવી દીધા છે. આદિત્યએ આ ફિલ્મ છોડતા અર્જુન કપૂરને મળી હોવાના સમાચાર છે. પ્રાપ્ત માહિતીને સાચી માનીએ તો, એક વિલને ટુ ફિલ્મમાં અર્જુન કપૂરની એન્ટ્રી થઇ ગઇ છે. તે આ ફિલ્મમાં જોન અબ્રાહમ સાથે ટક્કર લેતો જોવા મળશે તેવું ચર્ચાઇ રહ્યું છે. આમ પણ હાલ અર્જુન કપૂરને ફિલ્મોની સખત જરૂર છે તેની છેલ્લી ફિલ્મો બોક્સ ઓફિસ પર ઝાઝુ ચાલી નહતી. એક વિલેન ફિલ્મ ૨૦૧૪માં રિલીઝ થઇ હતી જેમાં રિતેશ દેશમુખ, શ્રદ્ધા કપૂર અને સિદ્ધાર્થ મલ્હોત્રાએ તરખાટ મચાવ્યો હતો. હવે એક વિલેન ટુમાં જોન અબ્રાહમ, અર્જુન કપૂર, દિશા પટાણી અને તારા સુતરિયા જોવા મળશે.
