ગાંધીધામ-ભચાઉમાં શરાબના દરોડા : ૨૬ હજારનો શરાબ ઝડપાયો.
ગાંધીધામ ,તા.૨૧ : ભચાઉ અને ગાંધીધામમાં પોલીસે દેશી-ઇંગ્લિશ શરાબના ત્રણ જુદા-જુદા દરોડા પાડી રૂ. ૨૬,૩૫૦ /- શરાબ નો જથ્થો કબ્જે કર્યો હતો. આ દરોડામાં એક મહિલા પોલીસના હાથમાં આવી ન હતી બે શખ્સોની પોલીસે ધરપકડ કરી હતી. ભચાઉમાં જી.ઇ.બી પાછળ સર્વોદય સોસાયટીમાં રહેતા ભરત પૂના પરમાર નામના શખ્સને પોલીસે ઝડપી પાડ્યો હતો. આ શખ્સનાં કબ્જામાથી ૨૧ બોટલ જીન તથા પાર્ટી સ્પેશિયલની ૨૨ બોટલો એમ કુલ રૂ. ૧૫,૦૫૦ /-ઇંગ્લિશ દારૂ હસ્તગત કરવામાં આવ્યો હતો.
બીજી બાજુ ગાંધીધામના મહેશ્વરીનગર ઝૂપડા ગફુરબસ્તી વિસ્તારમાં દરોડો પાડવામાં આવ્યો હતો. આ વિસ્તારમાં રહેતા રાજેશ ઉર્ફ રાજા ખેરાજ ડોરૂ ના મકાનમાં પોલીસે છાપો મારી ૭૫૦ એમ. એલ.ની ૧૪ બોટલ કિમત રૂ. ૪૯૦૦ /-શરાબ કબ્જે કર્યો હતો. આ શખ્સને દબોચી લેવામાં આવ્યો હતો.
તેમજ ગાંધીધામના ઇન્દિરાનગર વિસ્તારમાં એક મકાનમાં દરોડા પાડી આર.આર. સેલે આથાથી ભરેલા બેનર નંગ ૧૪ એમ ૨૮૦૦ લિટર આથો તથા તૈયાર દેશી શરાબ ૪૦ લિટર એમ રૂ. ૬૪૦૦ નો શરાબ તથા ભઠ્ઠીના સાધનો એમ કુલ્લ રૂ. ૭૨૦૦ નો મુદ્દામાલ કબ્જે લીધો હતો. આ દરોડા દરમ્યાન શરાબ ગાળનાર નિતાબેન રાજૂ મકવાણા હાજર ના મળતા પોલીસના હાથમાં આવી ન હતી.
વધુ અપગ્રેડ માટે જોતાં રહો કચ્છ કેર ટીવી ન્યૂઝ અમારો ચેનલ ઉષા કેબલ ઉપર 24 કલાક લાઈવ પ્રશારણ ચાલુ છે અને gtpl ઉપર ચેનલ નંબર 72 અને 73 ઉપર રાત્રે 10:30 થી 11:00 ચાલુ છે.
