ઝઘડિયા શાળા પાછળ પાર્ક બાઇકની ચોરી

ઝઘડિયાના હિરેન પ્રજાપતિએ રોજ કંપનીમાં રાતપાલીમાં જવાનું હોઇ તેઓ તેમની મોટરસાયકલ લઇને નોકરીએ જવા નિકળ્યા હતા. ઝઘડીયા ત્રણ રસ્તા પાસે કુમાર શાળા પાછળના ભાગે આવેલ ખુલ્લા પતરાના શેડ નીચે રાત્રિના અરસામાં મોટરસાયકલ પાર્ક કરીને મુકી હતી. ત્યારબાદ ત્યાંથી કંપનીની બસમાં બેસીને કંપનીમાં કામ પર ગયા હતા. તેઓ રોજ કંપનીની બસમાં ઝઘડીયાથી જીઆઇડીસી માં આવજાવ કરતા હતા. દરમિયાન તેઓ ઝઘડીયા ત્રણ રસ્તા પર આવ્યા અને જ્યાં મોટરસાયકલ પાર્ક કરીને મુકી હતી. ત્યાં જઇને જોયુ તો ત્યાં મોટરસાયકલ હતી નહી. મોટરસાયકલ શોધવા છતાં મળી ન હતી. તેથી મોટરસાયકલની તસ્કરી થઇ હોવાની ખાતરી થઇ હતી. આ અંગે હિરેનભાઇ પ્રજાપતિએ ઝઘડીયા પોલીસમાં મોટરસાયકલ તસ્કરીની ફરિયાદ નોંધાવતાં પોલીસે ગુનો દાખલ કરીને આગળની તપાસ હાથ ધરી હતી.