ચુડા ગામે જુગાર રમતા 3 ઈસમો પકડાયા, હજુ 3 ઈસમો ફરાર
ચુડા ગામે પોલીસ ટીમે પેટ્રોલિંગ દરમિયાન ચુડા ચાંચકા રોડ પાણીની ટાંકી પાછળ આવેલ તળાવની પાળ ઉપર 6 ઈસમ જુગાર રમતા હોવાની બાતમી મળતા. ચૂડા પોલીસની ટીમ દ્વારા જુગારનો દરોડો કર્યો હતો. જેમાં પોલીસને જોતાં ઈસમમાં ધોડ-ધામ મચી હતી. પોલીસે 3 જુગારીયાઓને રોકડ, મોબાઈલ અને બાઈક સહીત રૂપીયા 60,900ની મત્તા સાથે ઝડપી લીધા હતા. આ દરોડામાં 3 ઈસમઓ ફરાર થઈ ગયા હતા. ચૂડા પોલીસની ટીમને પેટ્રોલીંગ દરમિયાન ચુડા ચાંચકા રોડ પાણીની ટાંકી પાછળ આવેલ તળાવની પાળ ઉપર બાવળની આડશમાં અમુક ઈસમઓ જુગાર રમતા હોવાની બાતમી મળી હતી. તે દરમિયાન પી.એસ.આઈ વાય.બી.રાણા , હે.કો ખોડુભા ખેર , રાજેશભાઈ મીઠાપરા , વાલજીભાઈ વડેખણીયા , ભરતભાઈ સભાડ , બળવંતસિંહ ડોડીયા સહીતની ટીમે દરોડો કર્યો હતો. પોલીસે દરોડો કરતા જ જુગારની મોજ માણતા ઈસમઓ માં ધોડ-ધામ મચી હતી. પોલીસે જુગાર રમતા ઈરફાનભાઈ ઠાસરીયા, અમજદભાઈ જરગેલા અને મુકેશભાઈ ચૌહાણને પકડી પાડ્યા હતા. આ ઈસમઓ પાસેથી રોકડા રૂપીયા 15,900, 2 મોબાઈલ જેની કિંમત રૂપીયા 8000 હજાર અને 3 બાઈક જેની કિંમત રૂપીયા 37,000 હજાર આમ કુલ કિંમત રૂપીયા 60,900નો મુદ્દામાલ ઝડપાયો હતો. આ દરોડામાં અશોક મેમકીયા, અજીત મીઠાપરા અને શંકર સાપરા ફરાર થઈ ગયા હતા. પોલીસે ત્રણ ઇસમોને પકડી લઈ પોલીસ મથકે જુગારધારા મુજબ ગુનો દાખલ કર્યો છે અને ફરાર થઈ ગયેલા ૩ ઈસમઓને પકડી લેવા તપાસ હાથ ધરવામાં આવી છે.
રિપોર્ટર :- મહિપત મેટાલિયા (ચુડા)
