વડોદરાના દરજીપુરા નજીક કાંસમાં કાર ખાબકી

આણંદના ચાર યુવકો ભરૂચ તરફ જઈ રહ્યા હતા ત્યારે ગાડી દરજીપુરા નજીક ડિવાઈડર સાથે અથડાતા વરસાદી કાંસમાં ખાબકી. ફાયર લાશ્કરોએ કારને કાંસમાંથી કાઢીને યુવકોને ખાનગી હોસ્પિટલમાં ખસેડતા 1 યુવકનું મૃત્યું થયું હતુ જ્યારે બીજા 3 યુવકોની હાલત ગંભીર છે. આણંદ ખાતે રહેતા તપસ પટેલ ઉ.વ-24, હિમાંશુગીરી ગોસ્વામી ઉ.વ-22, ઋત્વીક સુકવાસ ઉ.વ-23 અને રાજનગીરી ગોસ્વામી ઉ.વ-24 આંણદ થી ભરૂચ તરફ જઈ રહ્યા હતા

ત્યારે રાજનગીરીએ કાર સ્ટેરીંગ પરથી કાબુ ગુમાવતા કાર ડિવાડર સાથે અથડાઈને વરસાદી કાસમાં ખાબકી. ફાયર બ્રિગેડને જાણ કરતા લાશ્કરોએ કારને કાંસમાંથી કાઢી અને યુવકોને ખાનગી હોસ્પિટલમાં ખસેડવામાં આવ્યા હતા જ્યાં રાજનગીરીનું સારવાર દરમિયાન મૃત્યું થયું હતું જ્યારે અન્ય યુવકોની હાલત ગંભીર છે.આ બનાવ બાબતે તપસ પટેલના પિતા ભરત પટલે જણાવ્યું હતું કે, તેમનો દિકરો વિદ્યાનગર ખાતે અભ્યાસ કરે છે તેનો ફોન આવ્યો હતો કે તે માસીના ઘરે જાય છે તેથી તે વિદ્યાનગર ખાતે રહેતી મારી સાળીના ઘરે ગયો હતો ત્યાંથી તે પોતાના મિત્ર સાથે ફરવા ગયો હતો.