જામનગરના ફલ્લા ગામની ગોલાઈ પાસે ટ્રક બેકાબૂ બનતા બસ સ્ટેન્ડ સાથે અથડાઈ
જામનગર રાજકોટ ધોરી માર્ગ પર આવેલ ફલ્લા ગામે આજે સવારે ટોરસ ટ્રકે રોંગ સાઇડમાં બસ સ્ટેન્ડ સાથે અથડાતા ડ્રાઇવર સહિત બેના ઘટના સ્થળે મોત નિપજ્યું. મીઠાપુરથી માલ ભરીને હૈદરાબાદ તરફ જતા માલ ભરેલો ટોરસ ટ્રક આજે સવારે ફલ્લાની ડેંજર ગોલાઇ પાસે પહોંચતા ડ્રાઇવરે કાબુ ગુમાવ્યો. ટોરસ ટ્રક રોંગ સાઇડમાં ડીવાઇડર તોડીને બસ સ્ટેન્ડમાં ઘુસી ગઇ હતી. બસ સ્ટેન્ડનો ભંગાઇને ભુકકો થઇ ગયો હતો. ટ્રકમાં ડ્રાઇવર-કલીનરનો દબાઇ જવાથી ઘટના સ્થળે જ મોત નિપજ્યું. ટ્રકનો ભાંગીને ભુકકો થઇ ગયો હતો.
રોડ પર છ કલાક સુધી એક બાજુનો રોડ બંધ થઇ ગયો હતો. અકસ્માત એટલો ગંભીર હતો કે એલ એન્ડ ટી.ની ટીમ, બે જેસીબી મશીન અને ગ્રામજનોએ સતત ત્રણ કલાક સુધી જહેમત ઉઠાવી બસ સ્ટેન્ડનો કાટમાળ હટાવી ટ્રકની કેબીનને તોડીને બે મૃતદેહ બહાર કાઢયા હતા જેને જામનગર જી.જી.હોસ્પિટલમાં પોસ્ટમોર્ટમ માટે લઇ જવામાં આવ્યા. ટ્રાફીક તથા મૃતદેહને બહાર કાઢવા માટે એલ એન્ડ ટી તથા જી.આર.ડી. પોલીસ સ્ટાફે જહેમત ઉઠાવી હતી.
