મોરબીના ખાખરેચી દરવાજા પાસેથી એક શખ્સને દેશી પિસ્તોલ અને 2 જીવતા કાર્તૂસ સાથે એસઓજીએ પકડી પાડ્યો

મોરબી શહેરના ખાખરેચી દરવાજા પાસેથી એક શખ્સને ગેરકાયદેસર દેશી હાથ બનાવટની પિસ્તોલ અને 2 નંગ જીવતા કાર્તૂસ સાથે એસઓજીએ ઝડપી પાડી આરોપી સામે કાયદેસર કાર્યવાહી હાથ ધરી છે.

મોરબી એસઓજી ટીમ પેટ્રોલિંગ કરી રહી હતી તે દરમિયાન મોરબીની મેમણ શેરીમાં રહેતા મકબુલ પિંજારા નામનો શખ્સ ખાખરેચી દરવાજાથી બેઠા પુલ તરફ નીકળવાનો હતો. જે આરોપી પાસે ગેરકાયદેસર પિસ્તોલ અને કાર્તૂસ હોવાની બાતમી મળતાં એસઓજી ટીમે વોચ ગોઠવી હતી. આરોપી મકબુલ ઈસ્માઈલ મનસુરી રોડ પરથી પસાર થતાં તેને ઝડપી પાડ્યો હતો. તેની પાસેથી ગેરકાયદેસર દેશી હાથની બનાવટની પિસ્તોલ નંગ 1 કિંમત રૂ. 10 હજાર અને જીવતા કાર્તૂસ નંગ 2 કિંમત રૂ. 200 મળીને કુલ રૂ. 10,200નો મુદામાલ કબ્જે કરાયો હતો. આરોપી સામે એ ડિવિઝન પોલીસ મથકમાં આર્મ્સ એક્ટ અનુસાર ગુનો દાખલ કરી આરોપીની વધુ પૂછપરછ હાથ ધરવામાં આવી છે.