એક યુવાન પર ત્રણ શખ્સએ કર્યો ધોકા વડે હુમલો
અંજાર-આદિપુર માર્ગ પર એક યુવાન પર ત્રણ શખ્સોએ ધોકા વડે હુમલો કરેલ હોવાની બાબત સામે આવી છે. મેઘપર કુંભારડીમાં માધવનગરમાં રહેતા નરસિંહ ખેતા કોળી નામનો યુવાન ગત તા. 21/11ના વહેલી પરોઢે શનિદેવ મંદિર બાજુ આંટો મારવા નીકળ્યો હતો તે દરમ્યાન રસ્તામાં નરેશ દેવીપૂજક સાહિત બે અજાણ્યા શખ્સોએ તેને રોક્યો હતો અને અગાઉની બોલાચાલીનું મનદુ:ખ રાખી ધોકા વડે હુમલો કરી નાસી છૂટ્યા હતા. બેભાન યુવાનને સારવાર અર્થે હોસ્પિટલ લઇ જવાતાં તેના બંને પગમાં અસ્થિભંગ સહિતની ઇજાઓ હોવાનું જાણવા મળ્યું હતું.
