દ્વારકામાં સર્જાયા ફિલ્મી દ્રશ્યો : પોલીસ પર લાકડી, ધોકા અને પથ્થરથી કરાયો હુમલો : આરોપી પોલીસની ગિરફ્તમાં
copy image
સૂત્રો દ્વારા માહિતી મળી રહી છે કે દ્વારકા જિલ્લામાં ફિલ્મી દ્રશ્યો સર્જાયા છે. જેમાં ચેકિંગ દરમિયાન પોલીસ પર કાર ચઢાવી દેવામાં આવી હતી. ઉપરાંત પોલીસ પર હુમલો કર્યા બાદ સરકારી ગાડી ઉડાવી હતી. મળેલ માહિતિ મુજબ દ્વારકા-મીઠાપુર હાઇવે પર ચેકિંગ દરમિયાન 6 શખ્સો દ્વારા આ હુમલો કરવામાં આવેલ હતો. હુમલામાં શખ્સોએ લાકડી, ધોકા અને પથ્થર વડે પોલીસ પર હુમલો બોલી દીધો હતો. સૂત્રો દ્વારા મળેલ માહિતી મુજબ પોલીસે 6 શખ્સોને ઝડપી આ શખ્સો વિરુદ્ધ ફરજમાં રૂકાવટ સહિતની કલમો તળે ફરિયાદ નોંધી આગળની વધુ તપાસ હાથ ધરવામાં આવી છે.
