અંજારમાથી જુગાર રમતા પાંચ શખ્સોને 26 હજારની રોકડ સાથે પોલીસે ઝડપી પાડ્યા

અંજારમાથી જુગાર રમતા પાંચ શખ્સોને 26 હજારની રોકડ સાથે પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર અંજાર ખાતે આવેલ પ્રજાપતિ છાત્રાલયના ગેટની સામેની શેરીમાં ઓટલા પર અમુક શખ્સો ધાણીપાસા વડે જુગાર રમી રહ્યા હતા તે દરમ્યાન અચાનક પોલીસ ત્રાટકી હતી અને ધાણીપાસા વડે રૂપિયાની હાર જીતનો જુગાર રમતા પાંચ શખ્સોને પોલીસે ઝડપી પાડ્યા હતા. પોલીસે પકડાયેલ શખ્સો પાસેથી  રોકડ રૂા. 26,780 તથ પાંચ મોબાઈલ ફોન એમ કુલ રૂા. 51,780નો મુદ્દામાલ કબ્જે કર્યો હતો. પોલીસે પકડાયેલ ખેલીઓ વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.