ગળપાદરમાંથી 92 હજારના મુદ્દામાલ સાથે સાત જુગારપ્રેમીઓ ઝડપાયા

ભુજ ખાતે આવેલ ગળપાદરમાં જાહેરમાં રૂપિયાની હારજીતનો જુગાર રમતા સાત ખેલીઓને પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર પોલીસને ખાનગી રાહે બાતમી મળેલ હતી કે, વર્ધમાનનગરની બાજુમાં  નવાવાસ હનુમાન મંદિરની પાસે જાહેરમાં અમુક શખ્સો ગંજી પાનાં વડે રૂપિયાની હાર જીતનો જુગાર રમી રહ્યા છે. મળેલ બાતમીના આધારે પોલીસે હકીકત વાળી જગ્યાએ દરોડો પાડી જુગાર રમતા સાત શખ્સોને રોકડ રૂપિયા 27 હજાર સહિત કુલ 92 હજારના મુદ્દામાલ સાથે પકડી પાડ્યા હતા. પોલીસે તમામ મુદ્દામાલ કબ્જે કરી પકડાયેલ ખેલીઓ વિરુદ્ધ જુગાર ધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.