નાગિયારીમાંથી નવ જુગાર પ્રેમીઓને 68 હજારના મુદ્દામાલ સાથે ઝડપી પાડતી માનકુવા પોલીસ

ભુજ ખાતે આવેલ નાગિયારીમાંથી નવ જુગાર પ્રેમીઓને પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર ગત દિવસે સાંજના અરસામાં આ કાર્યવાહી હાથ ધરવામાં આવી હતી. જેમાં, ગત સાંજે નાગિયારીમાં એક શખ્સની ઓરડી બહાર આવેલ બાવળની ઝાડીમાં ગંજીપાના વડે જુગાર અમુક શખ્સો ગંજી પાનાં વડે રૂપિયાની હાર જીતનો જુગાર રમી રહ્યા હતા. તે દરમ્યાન પોલીસ ત્રાટકી હતી અને જુગાર રમતા નવ શખ્સોને રોકડા રૂા. 32,290 સહિત કુલ રૂા. 68,290ના મુદ્દામાલ સાથે માનકૂવા પોલીસે ઝડપી પાડ્યા હતા. પોલીસે પકડાયેલ ખેલીઓ વિરુદ્ધ જુગાર ધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.